مصر: الماضي والحاضر
مشروع بيربط الجالية المصرية في أسكتلندا بالمجموعات المتحفية المصرية، وبيخلق مساحة للحوار حوالين عرض وتفسير التراث المصري
Last updated: 17 February 2026
عن المشروع:
العلاقة غير المتكافئة بين المتاحف في المملكة المتحدة والمجتمعات المصرية ليها جذور في تاريخ استعماري مكّن مؤسسات أجنبية وهواة جمع التحف والآثار الأجانب إنهم يقتنوا ويفسروا ويعرضوا التراث المصري من غير مشاركة المصريين.
في القرن ال١٩ وبدايات القرن ال٢٠، المتاحف دي ركزت على جمع قطع أثرية مصرية قديمة تتناسب مع الذوق الأوروبي لكن المجموعات دي مش بتعكس بشكل دقيق العلاقة بين مصر زمان ومصر دلوقتي. وكمان عزل مصر القديمة عن باقي تاريخ مصر والتعامل مع الآثار المصرية كسلع بتتباع وتتشرى ساهم في قطع الصلة بين المصريين وتراثهم القديم.
المتاحف الوطنية في اسكتلندا واللي عندها أكبر مجموعة متحفية مصرية في اسكتلندا بتحاول النهارده إنها تواجه التاريخ الاستعماري ده عن طريق خلق مساحات للحوار والعمل والتفاهم المشترك مع المجتمعات اللي تراثها ممثَّل في المتحف.
المشروع ده جزء من مجهوداتنا المستمرة لفتح نقاشات حقيقية عن المجموعات المصرية في المتحف، والبحث في تاريخها الاستعماري وتوضيح آثاره، وتوفير مساحة للتشاور والعمل المشترك مع الجاليات المصرية في اسكتلندا.
من خلال سلسة من ورش العمل المجتمعية، المشروع ده هدفه إن أصوات وآراء المصريين تبقى ممثلة في فهم المتحف للتراث المصري وطرق عرضه للمقتنيات المصرية.
- Project title
Egypt: Past and Present
- Project active
2026
- Research themes
Colonial Histories and Legacies, Scotland's Material Heritage, Identities and Cultural Contacts
- Strategic priorities
Developing, preserving and increasing access to the National Collections, Reaching out to people across Scotland and the world
Contributors
Dr Margaret Maitland - Principal Curator, Ancient Mediterranean, National Museums Scotland
Lama Said - PhD candidate and project intern
Mohamed Tonsy - writer/ceramicist
إعادة ربط التراث المصري بالمجتمعات المصرية
زمان ما كانش فيه اهتمام كبير بتأثير التاريخ الاستعماري على المجتمعات المصرية المعاصرة. لكن المتاحف الوطنية في اسكتلندا بتبحث في الموضوع ده وبتدور على طرق تشارك بيها معلومات أكتر عن المجموعات المتحفية مع المجتمعات المصرية.
في الفترة من 2019 لـ 2022، دخلت المتاحف الوطنية في اسكتلندا في شراكة مع مشروع "آثار مصر المغتربة: آراء من مصر" الممول من مجلس بحوث الآداب والعلوم الإنسانية واللي كان هدفه توصيل تاريخ الغربة دي للمصريين وخلق فرص للحوار مع المجتمعات المحلية في مصر.
المتاحف الوطنية في اسكتلندا بتبحث باستمرار عن طرق أحسن لتضمين وجهات النظر المصرية واللي غالباً مش بتكون ممثلة بشكل كافي في العرض المتحفي التقليدي، في تفسير وعرض التراث المصري والمجموعات المتحفية المصرية.
تم تصميم أول ورشة اللي حتتعمل في المتحف الوطني في اسكتلندا يوم ٧ فبرابر ٢٠٢٦ بالتعاون مع لمى سعيد، باحثة دكتوراه مصرية بجامعة ادنبرة، كتجمع مفتوح ومرحّب لأعضاء الجالية المصرية في اسكتلندا.
المشاركين في الورشة حيبقى عندهم فرصة لمشاركة خبراتهم الحياتية بما في ذلك ذكرياتهم وصورهم وحكاياتهم عن تراثهم المصري وحيزوروا كمان قاعة "إعادة اكتشاف مصر القديمة" في المتحف ويشاركوا وجهات نظرهم في طريقة عرض التراث المصري في المتحف.
حيكون كمان فيه نشاط كتابة إبداعية يعيد صياغة نصوص ومقتنيات المتحف مع الكاتب والخزّاف المصري المقيم في إدنبرة محمد تونسي، وده حيدّي فرصة للمشاركين للتعبير الإبداعي والتفاعل مع المجموعات المتحفية.
المشروع ده متماشي مع منهجية العمل التشاركي للمتاحف الوطنية في اسكتلندا؛ وعلشان كده، المشاركين حيتم التعامل معهم كخبراء بناءً على خبراتهم الحياتية، وحيتم تعويضهم ماديًا عن وقتهم.
باعتبارها أول تعاون مباشر للمتحف مع الجالية المصرية في اسكتلندا، ورش العمل المجتمعية «مصر: الماضي والحاضر» هدفها خلق مساحة للتواصل مع المصريين في اسكتلندا، ومشاركة المجموعات المتحفية معهم، والاستماع لآرائهم ووجهات نظرهم عن التراث المصري.
Project contact
Dr Margaret Maitland
Supported by
Glasgow Archaeological Society
James Kinnoch Thomson Bequest
